رنگِ حِناۓ حزن سے مرجھا گیا ہوں میں 

خلوت  گہِ   خیال میں  اوندھا  گرا  ہوں  میں 

مثلِ      ہو ا ۓ      دورِ       مہا      ماریِ        یقیں 

دشتِ گمان و وہم  میں اَب جا بجا ہوں میں

اورنگِ    کار     سازِ     جہاں      ٹوٹنے     کو    ہے 

بدظن ہے آسماں سے جو، وہ دیوتا ہوں میں

جو  کچھ  بیان کرتے ہیں اوراقِ   پیش  و  پس 

ہرگز میں وہ نہیں ہوں، کوئی دوسرا ہوں میں

(نبیل عابد)

ذبیحِ رزم  کی گردن  پہ مت  نشاں  ڈھونڈو 

ثبوت  پاؤ   شکستہ   دلوں   کی   کُھر چن   سے 

ہے مرگِ سوز کا ماتم جو دشتِ ویراں میں

یہ  انتخابِ  حقیقت    ہے   میرا  گلشن  سے 

میں   ایک     پردۂ     مابینِ     ذات     و    یزداں   پر 

اُلجھ کے بیٹھا ہوں بے مائیگی کی دھڑکن سے

(نبیل عابد)